Rydercup 11 oktober
Wedstriedverslag van de Rydercup op 11 oktober veur oeze senioren.
Elke golfspeuler is ervan overtuugd dat e veul beter kan speulen dan de uutslagenkaart dut vermoeden.
En de mieste van oes bint oes heule leven lang op zuuknaor het geheim van die o zo makkelijk ogende mep tegen dat golfballegie.
En dan kuj desnoods nog uren op de drivingrange staonte oefenen. Bie de wedstried umde Rydercup hebben we ien de gaoten kregen waor het allemaol om draait: Golf wordt speuld met lichaom en geest.
Daor hadden Herma en ik in ’t begun nogal wat problemen mit. De geest wol wel, maor het lichaom liet het bietieds ofweten. Wij as Drenten hadden beter moeten weten!
Wij hadden’t makkelijk, want we mugt begunnen op hole 1. De aandere luu muzzen sums een hiel end lopen veurdat ze begunnen mugt.
Naodat we het zand van hole 5 achter oes laotenhadden, gung het al een stuk beter.
We slaot um en um en as de iene een lange slag dee en de aander een mooi puttie maakte waren we d’r bliedemit.
Dat we de landmeter Jan en de pliesie Pieter bij oeshadden was allent maor mooi. Het waren dan wel gienDrenten maor zij wunnen de wedstried met 22 punten. We hebt ze de mooiste ballen zien slaon en putten.
Zij mugt as eerste op de foto saomen met Bartje. OezeDrentse trots.
De vraog kwam nao afloop: Hebt de Drenten wunnen of de butenlaanders?
Nat as veurig jaor: geliek.
Wat aans was as alle veurige jaoren: de brune bonen mit spekkies.
Die gingen aan oeze neus veurbij. Het werd een plaankmit wat lekkers erop.
We kunt Bartje ook vraogen of e aander jaor wel wil bidden veur die brune bonen.
Meschien kriegt we ze dan aander jaor wel! Ik had er zo’n zin in!
We hebt Engbert en Herma stief bedankt veur alle veurbereidings en we kiekt terug op een mooie en dreuge middag.
Woj weten wie de winnaars waren: Jan de Graaf en Pieter Janse.
Herma van Smeden en Roelof Ketelaar hadden de tweede pries.
De leste schreef ook dit stukkie.
druk op het > om de volgende afbeelding te zien.
